Rev. Dr. Philip Hrengling

                                  Ka min cu Philip Hrengling a si. Fa pahnih, fapa le fanu ka ngeih hna i Silas pa tiah auh hi kaa ziak bik ko.  Chin Bethel Church, Maryland ah senior pastor in Bawipa rian kan ṭuan lio ah

Indiana Zion Baptist Church nih pastor caah sawm kan si tikah biakhiahnak tuah a har ngai. Nain ka ṭuan lionak ah pastor pahnih an um ko caah a ngei lomi hna zuanhnawh a herh deuh rua tiah siaherhnak he ṭhial kan i tim. Keimah lawngin Indiana ah ka kal chung i, May 15, 2016 ni ah Pastor rian cu ka thok. Ka chungle cu July 2, 2016 ah an ra ve. Ka rian ah kaa hmuihtinh bikmi cu ka khrihfabu chungtel nih Pathian dawtnak an theih i, Pathian rian ah an luh khawhnak ding hi a si. Hi khrihfabu ah rian kan luh hnu hin kan chungkhar nih Pathian thluachuah kan co ngai. Pathian nih khrihfabu zohkhenh kho le hruai kho ah a ka hman caah Bawipa ka thangṭhat. 2022 July ah CBCUSA CE & LD ah rian khinh ka si hnu zong ah ka khrihfabu cu ka si khawh chungin zohkhenh le hruai kaa zuam peng ko. Pathian nih damnak a ka pe i, pastor rian kum 35 ka ṭuan ve cang. A rian ah him damnak le ṭuan khawhnak a ka petu Bawipa min ka thangṭhat. Bawipa nih sunparnak vialte co dih ko seh!